X
Menu
X

CRIÇÒL

CRIÇÒL

Es la comuna pus auta d’la val Pò, dai 1100 ai 3841 metres rapresentats da la maestosa poncha del Viso: Criçòl es sempre associat al legendari Rei de Peira.

Es lo principal centre toristic de la valada, ente se pratica l’esquì alpin jà despuei lhi ans ’50, quora es naissua una des premieras estacions envernalas de la provincia d’Coni. En l’istaa del ’93 son estats realizats de skilifts qu’an rendut Criçòl una importanta estacion da esquì.
L’esquì alpinisme es praticat sus d’itineraris en quòta, entre genier e junh. Son famosas decò las cascadas de glaç, la pista da esquì da fond e aquela per patinar sus glaç natural a La Villa.
Mas lhi a pas mec l’espòrt: sias ruaas son de pichòtas perlas de l’arquitectura tradiccionala locala, e lhi òstes semonen recetas piemontesas enrichias da gustosas variantas de la valada: polenta embè bur e formatges, trutas del Pò, bolets, dòuç de chastanhas e pastas d’melia.
Sus lo territòri de Criçòl se tròba decò lo Santuari intitolat a sant Chafred: la tradiccion popolara conta qu’aqueste sant, soldat de l’Emperi Roman que fasia part de la Legion Tebea, refusaa la fe pagana se seria estremat sus aquestas montanhas per s’escapar da las percecuccions anti-cristianas. Aquì seria estat trobat e martirizat ental 290. Ental 522, en circonstanças miracolosas, ven retrobaa la sepoltura del sant, e ven realizaa drant una simpla chapèla e puèi, man man que lhi pelerins creission, lo Santuari. La granda devoccion popolara vers aqueste sant es testimoniaa dai nombrós ex voto que cuerbon las muralhas de l’edifici.

Informacions Utilas

Autessa: 1318 m slm
Distança da Coni: 76 Km
Ruaas e fraccions: Bertolins, Lo Borg, Bric, Fenolhs, Sanhas, Serras, Sal Ubert, La Villa.
Patron: Sant Joan Baptista
Servicisi: bancomat, ofici postal, farmacia, biblioteca, ofici toristic estagional
Espòrts estius: promenadas, trekking, rampinhada, rampiquin
Espòrts envernals: pista da esquì alpin, pistas da fond, patinatge sus glaç, esquì alpinisme, chastras, cascadas de glaç
Merchat setmanal: jòus, l’istaa
Comuna: 0175.94902