X
Menu
X

GASTRONOMIA

GASTRONOMIA

Una cusina antica, qu’arsòna la França, da lhi ingredients simples mas originala quora encrotzea gusts e profums tradiccionals.

Las Raviòlas, colhetas de trifolas e formatges embè una banha de bur fondut, son un plat gustós, tipic de l’Auta Valada: 2340 calorias!!!

Chal navisar decò lhi Crotzetins, fachs embè farina di seèl, lo pan del Mel e Venascha, lhi dòuç de chastanhas, salams, mèl, formatges e tomas, que se pòlon tastar ent’lhi òstes o chatar en las botegas d’la val.

Far la campanha, un bòt principala activitat de tota la Val Varacha, encuei presenta de curiosas nòvas. Ent’las Comunas de Verzòl, Costilhòlas e al Peasc, mas decò fins a Brossasc, se fai la coltivacion entensiva de frucha.

Lo merchat de la chastanha de Venascha es un di pus importants d’Italia; aquì venon comercializaas las chastanhas Bracalla, la varietat pus conoissua e apreciaa del territòri.

Chal pas desmentiar a Costilhòlas lo Qualhan, vin d.o.c. ros da dòuç que pilha lo nom da la vinha omònima.

Entre las Comunas del Mel e Fraisse nais lo famós e ben apreciat Tomin dal Mel, particular formatge a pasta còtla.

Una curiosa particolaritat es la coltivacion d’erbas officinalas a Blins, Chasteldalfin, Fraisse e al Mel embè d’empresas que aderisson al biològic.

 

Per consultar l’Atlant de lhi Sàbors del territòri esnhaca icì.visitmove